ភាសាខ្មែរ

#CCFR Comment#បទវិភាគ៖កលល្បិចចាស់ៗដែលអ្នកនយោបាយអាមេរិកតែងតែប្រើប្រាស់ចាំបាច់ត្រូវបញ្ចប់ហើយ

criPublished: 2022-04-06 13:40:15
Share
Share this with Close
Messenger Pinterest LinkedIn

នាពេលថ្មីៗកន្លងទៅនេះ អត្ថបទមួយច្បាប់នៃកាសែត《The Times》អង់គ្លេសបានដកស្រង់អ្វីដែលហៅថា "ប្រភពព័ត៌មានស៊ើបការណ៍របស់អាមេរិក"ដោយបានអះអាងថា ប្រទេសចិនបានបំផុស"ការវាយប្រហារពីបណ្តាញអ៊ីនធើណេតទ្រង់ទ្រាយធំ"ទៅលើសំណង់យោធានិងនុយគ្លេអ៊ែររបស់អ៊ុយក្រែននៅមុននឹងប្រតិបតិ្តការយោធាពិសេសរបស់រុស្ស៊ីនៅអ៊ុយក្រែន ។ កាសែតនេះក៏បានអះអាងដែរថា ការចោទប្រកាន់ពាក់ព័ន្ធនេះបានមកពីទីភ្នាក់ងារសន្តិសុខជាតិអ៊ុយក្រែន ។

សូមបញ្ជាក់ថា ពាក្យភូតកុហកនេះបានប្រឌិតឡើងហួសហេតុពេក ! ដូច្នេះ ទីភ្នាក់ងារសន្តិសុខជាតិអ៊ុយក្រែនបានបំភ្លឺនិងបដិសេធពាក្យចចាមអារ៉ាមទាំងនេះភ្លាមៗតាមរយៈបណ្តាញទំនាក់ទំនងសង្គមជាច្រើនដោយបានលើកឡើងថា ទីភ្នាក់ងារខ្លួនមិនបានផ្តល់ព័ត៌មានខាងលើដល់ប្រព័ន្ធសារព័ត៌មានណាមួយទេ ហើយក៏គ្មានទិន្នន័យពាក់ព័ន្ធទេ ក៏ដូចជាមិនបានធ្វើការស៊ើបអង្កេតចំពោះករណីនេះផងដែរ ។ ហេតុនេះហើយ អ្វីដែលហៅថា "ការសន្និដ្ឋាននៃការស៊ើបអង្កេត"របស់កាសែត《The Times》គ្មានទំនាក់ទំនងអ្វីជាមួយនឹងទីភ្នាក់ងារនេះនោះទេ ។ វាមិនខុសអ្វីពីការលាតត្រដាងម្តងហើយម្តងទៀតចំពោះអ្នកនយោបាយអាមេរិកនិងប្រព័ន្ធសារព័ត៌មានលោកខាងលិចដែលបានរួមគ្នាសម្តែងឆាកល្ខោននោះទេ !

តាមពិតទៅ បើនិយាយអំពីការវាយប្រហារពីបណ្តាញអ៊ីនធើណេត សហរដ្ឋអាមេរិកទើបជាបាតដៃខ្មៅពីក្រោយពិតប្រាកដ ចំណែកប្រទេសចិនវិញ ជាអ្នករងគ្រោះសំខាន់មួយនៃការវាយប្រហារពីបណ្តាញអ៊ីនធើណេត ។ នាពេលថ្មីៗកន្លងទៅនេះ មជ្ឈមណ្ឌលឆ្លើយតបបន្ទាន់តាមបណ្តាញអ៊ីនធើណេតជាតិចិនបានធ្វើតេស្តហើយបានរកឃើញថា ចាប់ពីចុងខែកុម្ភៈ ឆ្នាំនេះមក អង្គការបរទេសបានវាយប្រហារនិងគ្រប់គ្រងកុំព្យូទ័រក្នុងប្រទេសចិនដើម្បីធ្វើការវាយប្រហារតាមបណ្តាញអ៊ីនធើណេតទៅលើប្រទេសរុស្ស៊ី អ៊ុយក្រែននិងបេឡារុស្ស ។ តាមរយៈការធ្វើវិភាគ អាសយដ្ឋានវាយប្រហារទាំងនេះភាគច្រើនបានមកពីសហរដ្ឋអាមេរិក ។ ក្នុងរយៈពេលមុននេះមិនជាយូរប៉ុន្មាន អតីតមន្ត្រីជាន់ខ្ពស់របស់រដ្ឋាភិបាលអាមេរិកធ្លាប់អំពាវនាវជាសាធារណៈឲ្យធ្វើការវាយប្រហារតាមបណ្តាញអ៊ីនធើណេតទៅលើរុស្ស៊ី ។

12全文 2 下一页

Share this story on

Messenger Pinterest LinkedIn