លោកZelensky៖ ទ័ពរុស្ស៊ីចាប់ផ្តើមវាយលុកតំបន់Donbass
លោកVolodymyr Zelensky ប្រធានាធិបតីអ៊ុយក្រែនបានថ្លែងនៅថ្ងៃទី១៨ ខែមេសាថា កងទ័ពរុស្ស៊ីបានចាប់ផ្តើមវាយលុកតំបន់ Donbass របស់អ៊ុយក្រែន។
ទីភ្នាក់ងារព័ត៌មានជាតិអ៊ុយក្រែនបានផ្សាយដំណឹងថា លោកZelenskyបានថ្លែងតាមប្រព័ន្ធវីដេអូនៅយប់ថ្ងៃដដែលថា កងទ័ពរុស្ស៊ីបានត្រៀមយូរមកហើយ ដើម្បីធ្វើសង្គ្រាមនៅតំបន់Donbass ដោយបានបញ្ជូនកងកម្លាំងជាច្រើនក្នុងការវាយប្រហារលើកនេះ។ លោកបានបន្តថាទោះជារុស្ស៊ីបញ្ជូនកម្លាំងទ័ពច្រើនប៉ុណ្ណាទៅតំបន់Donbassក្តី ក៏អ៊ុយក្រែននឹងតបតវិញជាមិនខាន នឹងមិនបោះបង់ចោលអ្វីមួយដែលជារបស់អ៊ុយក្រែននោះទេ៕