ទំព័រនេះ​ទំព័រដើម > ព័ត៌មាន > អត្ថបទ

ពិធី​ប្រកាស​ម៉ាក​ផលិតផល​ជាតិដ៏​ល្បីល្បាញ​នៃ​ប្រទេស​ចិន​ប្រចាំឆ្នាំ២០១៩​លើក​ទី​១​ធ្វើ​ឡើង​នៅ​ក្រុង​ប៉េកាំង

2019-12-16 14:22:27

     ពិធី​ប្រកាស​ម៉ាក​ផលិតផល​ជាតិដ៏​ល្បី​ល្បាញ​នៃ​ប្រទេស​ចិន​ប្រចាំឆ្នាំ២០១៩​លើក​ទី​១​ដែល​រៀបចំ​ដោយ​អគ្គស្ថានីយ​វិទ្យុនិង​ទូរទស្សន៍​មជ្ឈិម​ចិន​បាន​ប្រារព្ធធ្វើ​ឡើង​នៅ​ទី​ក្រុង​ប៉េកាំង​កាលពី​ថ្ងៃ​ទី​១៥ខែ​ធ្នូ ​។

     ដើម្បី​អនុវត្ត​យ៉ាង​ស៊ីជម្រៅ​នូវ​ស្មារតី​នៃ​អនុសាសន៍​ដ៏​សំខាន់​របស់​លោក​ស៊ីជីនភីង​អគ្គលេខាធិការ​នៃ​គណៈកម្មាធិការ​មជ្ឈិម​បក្ស​កុម្មុយនិស្ត​ចិនស្តីពី​ការ​ជំរុញ​ការផលិត​ដោយ​ប្រទេស​ចិន​ទៅ​ជា​​ការ​ច្នៃ​ប្រឌិត​ដោយ​ប្រទេស​ចិន ​ល្បឿន​នៃ​ប្រទេស​ចិន​ទៅជា​គុណភាព​ប្រទេស​ចិន ​ផលិត​ផល​ប្រទេស​ចិន​ទៅជា​ម៉ាក​ប្រទេស​ចិន ​និង​អនុវត្ត​តាម​ស្មារតី​សន្និសីទ​ការងារ​សេដ្ឋកិច្ច​មជ្ឈិម​ចិន​ ​អគ្គស្ថានីយ​វិទ្យុនិង​ទូរទស្សន៍​មជ្ឈិម​ចិនបាន​រៀបចំ​នូវ​ពិធីប្រកាស​ផលិតផល​ជាតិ​ដ៏​ល្បីល្បាញ​នៃ​ប្រទេស​ចិន​ប្រចាំឆ្នាំ២០១៩។លោក​ShenHaixiongអនុរដ្ឋមន្រ្តី​ក្រសួង​ឃោសនាការ​នៃ​គណៈកម្មាធិការ​មជ្ឈិម​បក្ស​កុម្មុយនិស្ត​ចិននិង​ជា​អគ្គនាយក​នៃ​​អគ្គស្ថានីយ​វិទ្យុនិង​ទូរទស្សន៍​មជ្ឈិម​ចិនបាន​អញ្ជើញ​ចូលរួម​សកម្មភាព​លើក​នេះ​ហើយ​និង​បាន​ប្រគល់​ពាន​រង្វាន់​សម្រាប់​សហគ្រាស​ដែល​ឈ្នះ​នូវ​ម៉ាក​ផលិតផល​ប្រចាំ​ឆ្នាំ។

     សហគ្រាស​ទាំង​ចំនួន​១០ដែល​ទទួល​ពាន​រង្វាន់​ជា​ម៉ាក​ផលិតផល​គំរូ​ប្រចាំ​ឆ្នាំ​ក្នុង​ពិធី​ប្រកាស​ម៉ាក​ផលិតផល​ជាតិដ៏​ល្បីល្បាញ​នៃ​ប្រទេស​ចិន​ប្រចាំឆ្នាំ២០១៩គឺ​ ​ក្រុមហ៊ុនCRRC ​ChinaMobile​ ក្រុមហ៊ុនCASC  ​ក្រុមហ៊ុនGeelyAuto  ​ក្រុមហ៊ុនAlibabaGroup ​ក្រុមហ៊ុនKweiChowMoutaiGroup  ​ក្រុមហ៊ុនWaHaHa ​ក្រុមហ៊ុនGree ​ក្រុមហ៊ុនTencent  ​ ​និង​ក្រុមហ៊ុនWeichaiថាមពល។ម៉ាកផលិតផល​​ទាំង​១០​នេះ​សុទ្ធតែ​ជា​កម្លាំង​នាំ​មុខគេ​ក្នុង​វិស័យ​រៀងៗខ្លួន​ហើយ​ក៏​បង្ហាញ​ឱ្យ​ឃើញ​នូវ​កម្លាំង​ឥទ្ធិពល​នៃ​ម៉ាក​ផលិតផលប្រទេស​ចិន​និង​កម្លាំង​ជាក់ស្តែង​នៃ​សេដ្ឋកិច្ច​ចិនផងដែរ។

ឧទ្ទេសនាមជាពិសេស

ចាប់អារម្មណ៍​ដល់​យើងខ្ញុំ