ទំព័រនេះ​ទំព័រដើម > ព័ត៌មាន > អត្ថបទ

លោក ​ស៊ីជីនភីង ​អគ្គលេខាធិការ​បក្សកុម្មុយនិស្ត​ចិន​ជួបពិភាក្សា​ការងារ​ជាមួយ​លោក ​Kim ​Jong ​Un​ ប្រធាន​បក្ស​ពលករ​កូរ៉េខាង​ជើង​

2018-03-28 15:28:18
r_1242932_2018032815142632549800.jpg r_1242932_2018032815143469332400.jpg r_1242932_201803281514467106400.jpg
r_1242932_2018032815145931653500.jpg

    តបតាម​សេចក្តីអញ្ជើញ​របស់​លោក ​ស៊ីជីនភីង​ អគ្គលេខាធិការ​នៃ​គណៈកម្មាធិការ​មជ្ឈិម​បក្ស​កុម្មុយនិស្តចិន​និងជា​ប្រធានរដ្ឋចិន​ លោក​ Kim ​Jong ​Un​ ប្រធាន​បក្ស​ពលករ​កូរ៉េខាងជើង​និងជា​ប្រធាន​គណៈកម្មាធិការកិច្ចការ​រដ្ឋនៃ​កូរ៉េខាងជើង​បាន​ទៅ​បំពេញ​ទស្សនកិច្ច​ក្រៅផ្លូវការ​នៅ​ប្រទេសចិន​ពីថ្ងៃទី២៥​ដល់​ថ្ងៃទី២៨​ខែមីនាឆ្នាំ២០១៨ ។

ក្នុង​អំឡុងពេល​បំពេញ​ទស្សនកិច្ច​នៅ​ប្រទេសចិន​ លោក ​Kim ​Jong ​Un​ បាន​ចូល​ជួបសម្តែង​ការគួរសម​និង​ជួប​ពិភាក្សា​ការងារ​ជាមួយ​លោក ​ស៊ីជីនភីង​​នៅ​វិមានសភា​ប្រជាជន​ ។ ​លោក ​ស៊ីជីនភីង ​អគ្គលេខាធិការនៃ​គណៈកម្មាធិការ​មជ្ឈិម​បក្ស​កុម្មុយនិស្តចិន​និង​លោកជំទាវ​ ផឹងលីយាន់​ ជាភរិយា​បាន​រៀបចំ​​ពិធីជប់លៀង​ដើម្បី​ស្វាគមន៍​ដំណើរ​របស់​លោក Kim ​Jong ​Un​ ប្រធាន​បក្ស​ពលករ​កូរ៉េខាងជើង​និង​លោកជំទាវ ​Ri​ Sol Ju​ ជាភរិយា​ព្រមទាំង​រួមគ្នា​ទស្សនា​ការសម្តែង​សិល្បៈ​ផងដែរ ។

លោក​ Li ​Keqiangសមាជិក​​គណៈអចិន្ត្រៃយ៍​នៃការិយាល័យ​នយោបាយ​មជ្ឈិមបក្ស​កុម្មុយនិស្តចិន​និងជា​នាយករដ្ឋមន្ត្រីចិន​ លោក ​Wang ​Huning ​សមាជិក​​គណៈអចិន្ត្រៃយ៍​នៃ​ការិយាល័យ​នយោបាយ​មជ្ឈិមបក្ស​កុម្មុយនិស្តចិន​និងជា​លេខាធិការនៃ​លេខាធិការដ្ឋាន​មជ្ឈិមចិន ​ព្រមនិង​លោក ​Wang​ Qishan ​អនុប្រធានរដ្ឋចិន​បាន​អញ្ជើញ​ចូលរួម​សកម្មភាព​​ពាក់ព័ន្ធ​ដោយឡែក​ពីគ្នា ។

    ក្នុង​កិច្ច​ជំនួប​​ លោក​ ស៊ីជីនភីង ​បាន​តាងនាម​ឲ្យ​មជ្ឈិមបក្ស​កុម្មុយនិស្តចិន​សំដែង​ការស្វាគមន៍​យ៉ាង​​កក់ក្តៅ​ចំពោះ​ដំណើរ​ទស្សនកិច្ច​នៅ​ប្រទេសចិន​ជាលើកដំបូង​របស់​លោក Kim ​Jong ​Un​ ។​ លោក​ស៊ីជីនភីង​ថ្លែងថា ​លោកបាន​ផ្ញើសារ​ជូនពរ​ចំពោះ​ខ្ញុំ​ដែល​ត្រូវ​បាន​ជ្រើសតាំង​ជាអគ្គលេខាធិការ​នៃ​គណៈកម្មាធិការ​មជ្ឈិម​បក្ស​កុម្មុយនិស្តចិន​និងជា​ប្រធាន​គណៈកម្មាធិការ​យោធា​នៃ​មជ្ឈិម​បក្ស​កុម្មុយនិស្តចិន​ជាថ្មី​ទៀត​បន្ទាប់ពី​សមាជ​បក្សកុម្មុយនិស្តចិន​លើកទី១៩​ ហើយ​ប៉ុន្មានថ្ងៃមុន ​លោក​ក៏បាន​ផ្ញើសារ​ភ្លាមៗ​ដើម្បី​ជូនពរ​ចំពោះ​ខ្ញុំ​ដែល​ត្រូវបាន​ជ្រើសតាំង​ជាប្រធានរដ្ឋចិន​និងជា​ប្រធាន​គណៈកម្មាធិការ​យោធាមជ្ឈិមចិន​ជាថ្មី​ទៀត​ ខ្ញុំសូម​ថ្លែង​អំណរគុណ​ចំពោះ​រឿង​នេះ ​។ ​ដំណើរ​ទស្សនកិច្ច​របស់​លោក​នៅ​ប្រទេសចិន​លើកនេះ ​គឺធ្វើឡើង​ក្រោម​កាលៈទេសៈ​ពិសេស​និងមាន​សារសំខាន់​ណាស់​ ដែល​បង្ហាញ​យ៉ាង​ពេញលេញនូវ​ការយកចិត្តទុកដាក់​​ខ្ពស់​របស់​លោក​​ប្រធាន​បក្ស​ពលករ​កូរ៉េខាងជើង​និង​មជ្ឈិមបក្ស​ពលករ​កូរ៉េខាងជើង​ចំពោះ​ទំនាក់ទំនង​រវាង​បក្ស​​និង​ប្រទេស​ទាំងពីរ​ចិននិង​កូរ៉េខាងជើង ​ខ្ញុំសូម​វាយតម្លៃ​ខ្ពស់​ចំពោះ​រឿង​នេះ ។


1234...>

ឧទ្ទេសនាមជាពិសេស

វិនិយោគ​ជាមួយ​ស្នាម​ញញឹម​

វិនិយោគ​ជាមួយ​ស្នាម​ញញឹម​

ចាប់អារម្មណ៍​ដល់​យើងខ្ញុំ